I te marama o Hepetema i tae mai a Luxembourg ki a Aotearoa Mahuru mō te whakataetae Davis Cup ki a Aotearoa ki roto o Te Papaioea i te 14-15 o Mahuru. Tokorima ngā manuwhiri nō Luxembourg. He 15 anō ngā manuwhiri i tae mai. Ko rātou ngā kiriāwhina o te tākaro.
I te 13 i tū te pōwhiri ki runga o Te Rangimārie marae me āna kōrero.
Ko Tararua te maunga
Ko Manawatū te awa
Ko Rangitane te iwi
Ko Kurahaupo te waka
Ko Whatonga te tangata
I pōwhiringia te tīma o Aotearoa i te tuatahi. Ka mutu ka nohotahi te tīma o Aotearoa ki te whakamihi i ngā manuwhiri nō Luxembourg. He mea tuatahi tēnei mō Luxembourg engari he nui tō rātou whakamihi i ngā tangata whenua me te pātai anō kia whakamāramahia ētehi o ngā kawa me ngā tikanga o roto i a Rangitane.
Ko ngā kaitākaro mō Aotearoa ko KP Pannu rātou ko Ajeet Rai, ko Rubin Statham, ko Finn Reynolds, ko Jack Loutit. Ko te Kapene o te tīma i tēnei tau ko Artem Sitak i te hekenga o Kelly Everden hei kapene i te tīmatanga o te tau.
I toa a Luxembourg i ngā kēmu tuatahi i te Rāhoroi. Ka noho 2-0 ki a Luxembourg. Ka huri ki te takirua ka haukerehia te tīma o Luxembourg e Aotearoa. Ka huri ki ngā takitahi o te ahiahi ka hau mai a Jack Loutit ka toa ia i tana kēmu ka ōrite katoa ngā tatau nō reira ka heke ki te kēmu whakamutunga. Tū mai a Rubin Statham me tana kēmu whakamutunga hei kaitākaro mō te Davis Cup. Ka tākaro ia ki a Alex Knaff engari nā te rangatahi o Luxembourg ka wikitōria a Luxembourg.
Ka hinga a Aotearoa 2-3 ki a Luxembourg. E mihi ana ki a Luxembourg me te tīma o Aotearoa i whakapau kaha ki ngā papa tēnehi.
