28/11/1934 – 1/03/2026
Tūrokorokohia te pō, tākiri ko te ata
Ka whekī, ka whekā rā te rangi mata hau nō Tū
Ko tū te winiwini, ko tū te wanawana, ko tū whakaputaina ki te whai ao ki te ao mārama.
E tangi tīkapa ana te kanohi ora i te rironga o tēnei māreikura ki te pō uriuri, ki te pō tangotango
Tēnei te takapau ō mate kua hoki ki te ahuru mōwai o te tangata
Ki te urunga te taka, ki te moenga tē whakaarahia moe mai ki te ariki
Tēnei te tangi, tēnei te poroporoaki ki tēnei rangatira kua huri ki tua o te ārai.
E tangi ana te ngakau i te rironga o Tā Tilly Te Koingo Reedy ki te taha o āna rāngai ki te pō.
He mareikura koe i whai i ngā momo mātauranga o te ao hei tautoko, hei tautāwhi i ngā i ngā tini tangata o tēnei ao.
E hoki ki ō maunga, E hoki ki Hiruharama te papa whakatipu o ngā māua tūpuna.
Waiho mātou o muri nei ki te whai me te whakatinana i ō mātāpono ki te ao.
Moe mai i roto i te ariki.
